Атырдьах ыйын 29 күнүгэр Өлөөн улууһун Дьэлиндэ национальнай нэһилиэгэр ураты истиҥ, сирдээҕи үгэстэри тутуһар уонна айылҕалыын ситимниир олус кэрэ бэлиэ күн — Куонапка Эбэ күнэ үрдүк таһымнаахтык бэлиэтээтилэр. Эбэ уута түһэн турарынана, күүтүүлээх тэрээһин бэйэтин кэмиттэн (атырдьах ыйын 19 күнүттэн) арыый хойутаан ыытылынна. Ол эрээри, бу күн дьэ дьиҥнээх уруу-аймах, ыаллыы олохтоохтор сылаас көрсүһүүлэрэ уонна бэрт былдьаһыылаах күрэхтэһиилэрэ буолан ааста. Күөн көрсүһүү кыайыылаахтара. Бу күн олохтоохтор үс көрүҥҥэ күүстэрин, сатабылларын уонна сымсаларын боруобалаатылар:
Эр дьон уонна дьиэ кэргэн ортотугар мунханан тугунуок күрэҕэ (6 хамаанда кытынна):
🥇 1 миэстэ: Александр, Дарья уонна кинилэр уоллара Дима дьиэ кэргэн биир ситимнээх үлэтэ кыайыыга тиксэрдэ.
🥈 2 миэстэ: Лукинов Николай, Данилов Аркадий, Николаев Тимофей;
🥉 3 миэстэ: Учур Александров бырааттарын Платону уонна Адамы кытта ыллылар.
Оҕолорго куручуохтааһын балыктааһын күрэҕэ (6 эдэр балыксыт күөн көрсүстэ):
🥇 1 миэстэ: Савелий Лукинов;
🥈 2 миэстэ: Матвей Николаев;
🥉 3 миэстэ: Алик Христофоров.
Дьахталларга отон хомуурун күрэҕэ:
🥇 1 миэстэ: Розалия Софронова (күн саамай сымса отонньута);
🥈 2 миэстэ: МаргаритаИванова;
🥉 3 миэстэ: Светлана Аммосова.
Кырдьаҕастарга ытыктабыл уонна барҕа махтал Бу күн саамай үрдүк суолталаах уонна уйадытар үгэһинэн — күрэххэ кыттааччылар Куонапка Эбэбит бэрсибит күндү бэлэхтэрин тугунуогу уонна сибиэһэй отону нэһилиэк ытык-мааны кырдьаҕастарыгар босхо үллэрэн, түҥэтэн биэрбиттэрэ буолла. Киэҥ хоту сир үгэһинэн, үтүө майгынан кырдьаҕастары маанылааһын бырааһынньык үрдүк кутун көрдөрдө. Маннык чаҕылхай тэрээһин тахсарыгар бэйэлэрин мааны бириистэрин олохтоон, күүс-көмө буолбут спонсордарбытыгар: Дьэлиндэ нэһилиэгин олохтоох дьаһалтатыгар, «Аарык» култуура сынньалаҥ киинигэр уонна эдэр көхтөөх урбаанньыппытыгар Алена Христофороваҕа ис сүрэхтэн махталбытын биллэрэбит! Ону тэҥэ, күрэххэ көхтөөхтүк кыттыбыт хас биирдии кыттааччыга, дохсун ытыс тыаһынан өйөөбүт көрөөччүлэрбитигэр уонна күн уһунугар дьону түмэн, оонньууну иилээн-салаан ыыппыт тэрийээччилэргэ (ыытааччыларга) барҕа махтал! Куонапка Эбэбит өрүү күндүлүө турдун, нэһилиэкпит сомоҕо буолан өссө да сайда турдун!
