Уһун кыыдааннаах кыһын кэнниттэн, самаан сайын куйаас күннэрин көрсө бу күн Дьэлиҥдэ олохтоохторо өрө көтөҕүллүүлээхтик эбэҥки норуота күөх окко үктэнэр күндү бырааһынньыктарын бэлиэтээн астынан дуоһуйан туран билиһиннэрбит.
Хайа баҕарар тэрээһин саҕаланыан иннинэ ыраастаныы сиэрин- туомун тутуһан, туһулгэни ыраастаан, урикит олохтоохторо чичипкаанна кытыан отунан сыллааҕы сылааларын ыраастанан ааһан салама быатын ыйаатылар, алгыс ылынан дьэ тэрээһиммит күүстээх күнэ саҕаламмыта, бу күн халлаамыт туруга куйааьынан көрөн туран күммүт анаан минээн туран биэрэн Икээнипкэбит киэһээ хойут уон чааска диэри ыытылынна.
“Чуум хаһаайкатын” күрэҕиттэн саҕалаан “Дьэлиҥдэ Хоһууна” уолаттарга тиийэ араас таһымнаах курэхтэр ыытылыннылар.
“Чуум хаһаайката” күрэххэ хас биирдии урикиттан далбар хотуттар кыттыыны ыллылар ол курдук «Серун” түөлбэттэн Любовь Дмитриева, “Авгаран” Мария Павлова, “Байанай” Маргарита Николаева, “Хэругэн” Анастасия Андреева кыттыыны ыллылар, бу күрэх түьүмэхтэригэр киирдилэр өбүгэ танаһа, кус ыраастааһын, тыс кыһыахтааһын, эр киһи бэргэһэтин тигии уонна эбэҥкилии киэргэтиилээх киэһээҥҥи мааны таҥас, далбар хотуттар сүрдээҕин тэринэн кэлбиттэрэ киһи сүргэтин олус сэргэхситтэ, хас биирдии түһүмэх олус сэргэхтик ааста диэн бэлиэтиибит. Дьууллур сүбэҕэ хас бирдии түөлбэттэн бэрэстэбиитэллэр үлэлээтилэр бэлиэтээн эттэххэ Татьяна Семеновна Иванова, Зорина Николаевна Филиппова, Павлена Павловна Титова, Светлана Михайловна Дмитриева уонна бэрэссэдээтэлинэн Дьэлиҥдэ кийиитэ, Сунтаартан төрүттээх культура салаатыгар ыкса сыһыаннаах Далбар Хотун Евдокия Алексеевна Дмитриева. Курэх түмүгүнэн “Чуум Хаһаайката” үрдүк аат Мария Павлова5а иҥэрилиннэ. Күрэх кыттыллаахтара сыаналаах бириистэринэн уонна харчыннан наҕараадаланнылар.
Дьэ күммүт оройо саҕаланыыта Урикит олохтоохторо эрдэттэн этиллибитин курдук бэлэмнэнэн түһүлгэлэрин олус учугэйдик киэргэтэн, быыстапкалары туруоран, өбүгэбит астарын тэлгэтэн күрэх түмүгүнэн «Байанай» түөлбэ олохтоохторо бастыҥнар ааттарыгар ааттанна уонна харчыннан наҕараадаланнылар.
Эбиэт кэннэ «Дьэлиҥдэ Хоһууна-2025» тынааһыннаах күрэхпитигэр алта хоһуун күөн корүстүлэр ол курдук Учур Александров, Виталий Протопопов, Александр Кучаров, Ариан Николаев, Эркин Николаев уонна ыраах Кыргыстан дойдутуттан Эмиль Уулу Суйунбек. Манна сэттэ көрүҥҥэ ыытылынна даҕатан эттэххэ тутум эргиир, ох ытыы, сүүрүү, хапсаҕай, мас тардыһыы, үс төгүл үс уонна таас көтөҕүүтэ. Уолаттар күүстэрин, кыахтарын бэркэ туһанан туруулаһан туран кииристилэр, туһүлгэни өрө көтө5өн ыһыылаах- хаһыылаах, тыҥааһыннаах күрэхтэр буоллулар. Хас бирдии көрүҥ бэйэтэ тус-туспа мэтээллээх, биириистээх буолбута олус учугэй бу манна биһиги нэһилиэкпит урбаанньыттара олохтообут бириистэрин туттардылар. Күрэх уопсай түмүгүнэн Дьэлиҥдэ нэһилиэгин дьаһалтата олохтообут сыаналаах бириистэригэр үһүс миэстэҕэ Александр Кучаров буолан снегоход буран гусеницатынан, иккис миэстэҕэ Ариан Николаев ATA Venza camo Kryptek 12/76 L-760 мм саа сертификатынан уонна Виталий Протопопов бэйэтин кыаҕын көрдөрөн сүрүн бириис REGULMOTO 200-6 С мотоцикл хаһаайыннарынан буоллулар. Маннык тынааһыннаах күрэх буолан ааспытын нэһилиэк олохтоохторо уостан туһэрбэххэ бүгүҥҥэ диэри кэпсэтэллэрин истэн киһи олус үөрэр.
Ону таһынан мас тардыһыытыгар уонна кыра уолаттарга хапсаҕай абсолютнай күрэхтэр ыытылыннылар бу бэйэтэ эмиэ туспа суолталаах, билиһиннэрэр буоллахха Дьэлиҥдэ нэһилиэгиттэн анал байыаннай дьайыыга сылдьыбыт, бэйэлэрин олохторун толук уурбут уолаттарбыт Сулустаан Тускун Туллук уола уонна Николаев Анатолий Михайлович ааттарын үйэтитэн дьонноро уонна аймахтара туспа бириис олохтооннор чемпионнар ааттарыгар мас тардыһыытыгар Виталий Протопопов онтон хапсаҕайга Адам Павлов улахан кылаастарга Юрий Винокуров ааттаннылар.
Ити эрэ буолбакка өссө эр дьоҥҥо Хасаҕайга Норд-мост тэрилтэтин аатыттан биир дойдулаахпыт хапсаҕайга спорт маастара Айсен Семенов сылын аайы абсолютнай чемпиоҥҥа бириис олохтуур ол күрэхпит тиһигин быспакка билиҥҥэ диэри ыытылла турар быйыл бу күрэххэ Григорий Анисимов бэйэтин тэннээҕин булбата.
Уонна түмүктүүр күрэхпитинэн буолла быйыл бастакытын “Кыыс Бэргэн- 2025” күрэх үс көрүҥҥэ ол курдук ыстаныы, сүүрүү уонна мас тардыһыытыгар Сандаара Протопопова, Айыына Николаева, Нария Николаева, Линда Лукинова уонна Эвелина Данилова кыттыыны ыллылар. Уопсай түмүгүнэн мунутуур кыайыылааҕынан Линда Лукинова Дьэлиҥдэ орто оскуолатын 9 кылааһын үөрэнээччитэ буолла кини биһиги урбаанньыттарбыт туруорбут бириистэринэн наҕараадаланна, иккис миэстэ Нария Николаева уонна үһүс миэстэ Сандаара Протопопова харчыннан уонна мэдээллэринэн наҕараадаланнылар.
Ити курдук биир тыҥааһыннаах уонна өрө көтөҕүллүүлээх сайыммытын көрүстүбүт, Икээнипкэ бырааьынньык кэнниттэн сайыҥҥы улэлэрбитигэр турунабыт. Түгэнинэн туһанан бу тэрээһиҥҥэ кыттыспыт бары улэ тэрилтэлэригэр, түөлбэ олохтоохторугар уонна салайааччыларыгар Туяра Афанасьевнаҕа, Маргарита Иннокентьевнаҕа, Самаана ДЬэлиҥдэ кыыһыгар уонна Александра Валерьевнаҕа, урбаанньыттарга Мария Ивановнаҕа, Алена Яковленаҕа, Любовь Семеновнаҕа, Самаана Дьэлиҥдэ кыыһыгар, Валентина Иннокентьевнаҕа уонна Айсен Николаевичка, курэх судьуйаларыгар Протопопов Иван Гаврильевичка, Павлов Леонид Семеновичка уонна биһиги тэрээһиммитин киэргэппит бары кыттыылаахтарга уонна ”Аарык” долган – эбэҥки норуот ансаамбылыгар уонна “Долбор” образцовай үҥкүү ансаамбылыгар улахан махталбытын биллэриэхпитин ба5арабыт нэһилиэк дьаһалтатын уонна култуура салаатын аатыттан. Баҕарыа этибит эһиэхэ тус олоххутугар дьолу – соргуну кытаанах доруобуйаны, дьиэ кэргэннитигэр иллээх- эйэлээх олоҕу.
Ыстатыйаны бэлэмнээн суруйдулар
Аарык культура киин салайааччыта Дмитриева Светлана Михайловна,
эдэр ыччат салайааччыта Горохов Айаал Христофорович.
АлександраМиронова хаартыска туһэриилэрэ.
