Икки бырааһынньык тэҥҥэ холбоһон 2 блогунан эҕэрдэ кэнсиэр бэлэхтээтибит. Маҥнайгы блокка «Тугутчаан» уһуйаан үлэһиттэрин идэлээх күннэринэн бэтэрээн үлэһиттэри, билигин үлэлии сылдьар үлэһиттэри уруйдаан-айхаллаан астыбыт.
Иккис блокка балаҕан ыйын 27 күнүгэр 1990 сыллаахха Саха АССР уон иккис ыҥырыылаах Үрдүкү Сэбиэтэ Саха Өрөспүүбүлүкэтин судаарыстыбыннай суверенитетын туһунан Декларацияны ылыммыт күнүн бэлиэтээтибит. Евдокия Ильинична Николаеваны Саха Республикатын маастара буолбутун туоһутун истинник эҕэрдэлээн туран туттардыбыт.
