Алтынньы 18 кунугэр Ийэ күнүн нэдиэлэтигэр анаан Дьэлиндэ нэһилиэгэр «Ийэ үөрүүтэ» диэн истиҥ- иһирэх түмсүүгэ, дьахтар кэмитиэтин талыы уопсай мунньа5а буолан ааста. Мунньахха араас көрүүлээх иһитиннэриилэр буоллулар, ол курдук «Тугутчаан» уһуйаан сүрүн иитээччитэ Куннэй Радомировна «Тугутчаан» уьуйаанна о5ону эбэнкилии санарарга уерэтии, эбэнки уус уран айымньытын, ырыатын ункуутун соргутуу, мин эбэнкибин диэн патриотическай иитиигэ улэлэрин, былааннарын билиьинэрдэ. О5ону эбэнки норуотун, бэйэбит тылбытынан иитэргэ бары бииргэ куускэ улэлиэххэ диэн ынырда. Нэһилиэк модельнай библиотекатын улэһитэ Любовь Семеновна «Чөл оло5у тутуһуоххайын» ыстатыйаны бэлэмнээн кытынна, орто оскуола эдэр учуутала Айсен Васильевич интернет ситимин, гаджеты, смартфоны сөпкө туһаныыга уонна биһиэхэ командировка5а улэлии кэлэ сылдьар эдэр, о5о бырааһа Кирилл Васильевич корь ыарыыттан хайдах харыстанары субэлээннэр, кэпсээннэр бүгүҥҥү тэрээһини олус туһалаахтык, сэргэхтик ыыттылар. Мунньа5ы иилээн, салайан ыытта олохтоох дьаьалта баьылыгын солбуйааччыта Маргарита Васильевна Николаева.
Уопсай мунньах кэннэ ийэлэрбитин сэргэхситэн о5уруоннан иистэниигэ Өлөөн оройуонун норуотун маастара Евдокия Ильинична Николаева, кэрэ буолууга Сандаара Ивановна Протопопова, минньигэс кэмпиэти оҥорууга Туяра Афанасьевна Николаева уонна чэй араастарын тустарынан Людмила Сергеевна Кириллова араас маастар кылаастары ыыттылар. Бүгүҥҥү тэрээһин биһиги ийэлэрбитигэр туһалаахтык ааспыта буолуо диэн эрэнэбит уонна кыттыыны ылбыт Күн күбэй ийэлэрбитигэр бар5а махтал буолуохтун.
